2022a asmo, norabide eta ilusio berriekin hasi dugu.

Urtero bezala, urtarrilean egutegiak egun seinalatu bat gogorarazten digu, Ingurumen Hezkuntzaren Nazioarteko Eguna, MATERen gure lana garatzeko erabiltzen dugun funtsezko tresna. Aitzaki gisa balio dezake beraz, bere izenean aurten antolatu ditugun jarduera eta proiektu sorta erakusteko.

Ingurumen Hezkuntza prozesu pedagogiko, dinamiko eta parte-hartzailea da, herritarrengan kontzientzia piztu nahi duena, ingurumen-arazoak identifikatzeko, bai maila globalean, bai tokikoan, garapen jasangarria eta ingurunearen kontserbazioa sustatzeko.

Hamarkadak igaro dira Ingurumen Hezkuntza horrela ulertzen dugunetik baina honi sentimenduek ematen diguten gizatasuna gehitu behar diogulakoan gaude. Natura geurea, hurbilekoa, maitatua eta, beraz, gure ekintzen eta defentsaren bidez babestua izateko eskubidea duelako. Izan ere, emozioak nagusi diren espeziea gara eta ezin ditugu alde batera utzi. Are gehiago, bizi garen gizarteak bizitzak ematen digunetik aldentzen gaituenean, gure ama natura. Tamalez, ez dugu gure oroitzapenetan honekiko sentimendurik gordetzen.

Inoiz baino gehiago beharrezkoagoa dugu ur, lur eta aireetan murgiltzea,  hauek ulertzeaz haratago, gure burua ulertzeko, gure leku hegemonikoarekin, gure benetako etxearekin, topo egiteko, non gure gorputzak eta arimak, bake konpontzailea aurkituko duen. Natura gara eta indibidualismo kontsumitzailean murgildutako gizarte teknologiko honek ezin du milioika urteko garapen eta bilakaeraren aurka egin.

Horregatik, MATERek aukera gertukoak, irisgarriak eta atseginak eskaini nahi ditu, naturarekin topaketa ahalbidetzeko. Gure museoak eta publiko guztientzako programatutako jardueren eskaintzak funtzio kardinal hori dute. Familiek, ikastetxeek eta mota guztietako taldeek bisitak, tailerrak, irteerak, ibilbideak eta ekoaktibitateak egin ditzakete Pasaian urte osoan zehar. Mater Museoak, gainera, itsasora irteteko etengabeko atearen funtzio garrantzitsua betetzen du. Gure natura publiko ezberdinei hurbiltzeko, informatzeko, parte hartzeko eta inplikatzeko aukera ematen die, modu erraz eta erosoan, museo gisa dugun etengabeko erakusleihoaren bitartez.

Aurten milaka pertsonak izango dute horreko bizipenak izateko aukera, izan Pasaiako Itsas Festibalean, esaterako. Baita laster ezagutaraziko dugun app-aren bidez ere. Honen helburua gurera gehien hurbiltzen diren pertsonak fidelizatzea izanik. 

Baina MATERen biztanleriaren sektore guztietan ingurumen-hezkuntzaren premiazko beharrak erantzukizun premia larria sortzen digu. Gure sentitzen dugu arlo horretan dugun ezagutza eta esperientzia partekatzeko eta formula berriak bilatzeko ardura, zaintzaren mezua gizartean biderkadadin. Alde horretatik, MATER Ekoaktiboak funtzio hori betetzen du proiektu eta kanpainen bidez, hauek ingurunearen zaintzaren protagonista bihurtu nahi dituzte eta hainbat kolektibo, horiek inplikatuz eta hurbileko erreferente bihurtuz. Izan ere, oso gizatiarra da eskutik helduta joan nahi izatea, taldean beste etorkizun itxaropentsuago bat marraztea, aldaketa horren parte izatera gonbidatzeko asmoz. Gureak esperientzia motibatzaileak, erronka bere egiten dutenak, eta, aldi berean, norabide berri honetan nabigatzeko erreferente hurbilak izan nahi dute. Besteak beste, Gazteak Aldaketaren Protagonistak, Ekopatruila Herritarrak edo Itsas Zaintzako Sarea bezalako proiektuek, besteak beste ilusioz betetzen gaituzte.

Ilusioa eta gogoa  ez zaizkigu falta urte itxaropentsu honetan. Ingurumen-hezkuntzak bihotzetik gure helburuak lortzen lagunduko digu. Ur gainean urteak eman ondoren, abante osoa emateko ordua da, gurekin ontziratzeko prest?

Izaskun Suberbiola, MATEReko zuzendaria eta marinela